ЎЗБЕКИСТОНДА ҚИШЛОҚ ХЎЖАЛИГИ СОҲАСИНИ РИВОЖЛАНТИРИШ МУАММОЛАРИ

Abstrak

Ушбу мақолада Ўзбекистонда қишлоқ хўжалиги соҳасини ривожлантириш муаммолари ўрганилган ва ечимлари тавсия қилинган. Кўп омилли мураккаб ижтимоий-иқтисодий тизим сифатида аграр секторни замонавий ривожлантириш тенденциялари аниқланган. Аграр сектор тармоқларини тизимли ривожлантиришнинг мазмун-моҳияти очиб берилган. Уни қуйидаги учта ўзаро боғлиқ таркибий қисмларнинг бирлиги сифатида тавсифланган: иқтисодий, ижтимоий ва экологик. Аграр соҳани мураккаб ва кўп босқичли тизим сифатида барқарор ривожланиши ташқи ва ички омилларга бўлинган. Аграр секторнинг асосий қисми сифатида қишлоқ хўжалиги тармоғининг барқарорлиги учун мавжуд ресурслардан самарали фойдаланиш, экспорт имкониятларини оширишда инклюзив индикаторлар тизими таклиф этилган.